جب ٹام نے جیری کی دم ستون سے باندھنے کی کوشش کی توجیری نے جوابی کارروائی کرتے ہوئے ٹام کے پیچھے اپنے دوست ڈوگی کو لگا دیا۔ ڈوگی کو تھکانے کے بعد ٹام نے جیری کو لکن چھپائی کھیلنے کے بہانے ریفریجریٹر کو الماری بتا کر اس میں بند کردیا۔
اگر مالکن کو تھوڑی دیر میں پیاس نہ لگتی اور وہ فریج نہ کھولتی تو جیری جم جاتا۔ پھرجیری نے ٹام کے سونے کا انتظار کیا اور اسکی دم سے بارودی فلیتہ باندھ کر ماچس دکھا دی۔ ٹام نے اپنی مدد کے لئے محلے کے بلے کو بلایا اور دونوں نے مل کر جیری کی طبیعت سے ٹھکائی لگائی۔ جب ٹام سو گیا تو جیری نے چپکے سے ٹماٹو کیچپ ٹام کے جسم پر مل دیا۔ ٹام جب اٹھا اور خود کو آئینے میں لہو لہان دیکھا تو اسکی چیخ نکل گئی۔ چیخ سے مالکن کی آنکھ کھل گئی اور مالکن نے طیش میں آکر ٹام کی اتنی دھنائی کی کہ وہ سچ مچ لہو لہان ہوگیا۔
یہ دیکھ کر جیری کو ٹام پر بہت ترس آیا۔اور اس نے ٹام سے کہا کہ ٹام بھائی اب ہم ایک دوسرے کو نہیں ستائیں گے، پنیر اور گوشت مل کر کھائیں گے۔ یہ سن کر ٹام نے نعرہ لگایا جئیے جیری اور جیری نے نعرہ لگایا جئیے ٹام۔ پھر جیری نائن اور ٹام زیرو بن کر برابر برابر لیٹ گئے اور خراٹے لینے لگے لیکن ایک آنکھ بند کرکے۔۔۔

Related Articles

• January 23, 2008 -- اردو صوتی کی بورڈ لے آئوٹ برائے مائیکروسوفٹ ونڈوز
• February 20, 2008 -- ’ایک پرچی کی مار‘
• March 30, 2008 -- Appeal for all Muslims
• May 1, 2009 -- 12 Simple Steps for Effective Websites
• July 25, 2008 -- New release : Alqalam Quran Font
• December 20, 2008 -- Doubts - Unanswered
• August 19, 2008 -- New Release: urdu phpBB 3.0.2 Released
• July 9, 2008 -- Funny: Excuse Me Boss
• June 27, 2008 -- Common mistakes usually we make in prayers
• November 2, 2008 -- New Release: Alvi Nastaleeq

Tags: