یہاں سے ساغر صدیقی کی زندگی نے ایک موڑ لیا۔ اس نے شباب کیرانوی کے ہفت روزہ “تصویر” کی ادارت کی ذمہ داریاں سنبھال لیں۔ اس ہفت روزہ کا دفتر دل محمد روڈ پر تھا۔ مین دوسرے تیسرے دن ساغر سے ملنے اس کا دفتر جاتا۔ ہفت روزہ “تصویر” بھی زیادہ دیر تک ساغر کا ساتھ نہ دے سکا۔ ساغر کے ایک مداح نے اسے کچہری میں لے جا کر ایک نئے ہفت روزہ فلمی پرچے کا ڈیکلریشن لے دیا۔ شام کو ہم میجسٹک ہوٹل میں ملے، تو ساغر نے ڈیکلریشن میرے سامنے رکھ دیا اور کہا:
“یہ کاغذ کا پرزہ بڑی اہمیت کا حامل ہے۔ میں اس نئے ہفت روزہ کو جاری رکھنے کی کوشش کروں گا”
ساغر کے دل میں اس پرچے کو نکالنے اور اسے چلانے کے لئے بڑا جوش اور ولولہ تھا۔ انارکلی کے سرے پر رائل ہوٹل میں رسالے کا دفتر بنالیا گیا اور ہوٹل کے نیچے بک سٹال والے غلام جیلانی کو سول ایجنٹ بنا دیا گیا۔ ہم دونوں نے فلمی ہفت روزہ کو مرتب کرنا شروع کردیا۔ ساغر نے کہیں سے دو رم کاغذ لیا اور پرچہ چھپنے کے لئے پریس پہنچ گیا۔ پرچہ چھپ گیا، ہم پہلا شمارہ دیکھ کر خوش ہو ئے۔ دوسرے شمارے کے لئے اشتہارات بھی مل گئے لیکن اشتہاروں کے بلوں کی ادائیگی میں تاخیر کی وجہ سے ساغر تیسرا شمارہ نہ نکال سکا۔ بک سٹال والے نے ساغر سے ہفت روزہ کو پچاس روپوں میں خرید لیا اور ساغر ایک بار پھر فٹ پاتھ پر نکل آیا۔
رات کو ہم انارکلی والے “ممتاز ہوٹل” میں بیٹھ جاتے۔ ساغر تازہ کلام سناتا۔ ہوٹل سے نکل کر مین اور ساغر کبھی سرکلر روڈ، کبھی آبکاری روڈ اور کبھی شاہی قلعے کی طرف نکل جاتے۔ میں محسوس کرنے لگا تھا کہ ہفت روزہ کے نیلام عام کے بعد ساغر زہنی گمشدگی کی راہ پر چل نکلا ہے۔ لیکن اس کے شعروں میں فکر و فن کے نئے نئے تجربے ابھرنے لگے تھے۔ وہ زیادہ تر خاموش رہنے لگا تھا، اپنی ذات سے بیگانگی کا عمل تیز ہو گیا تھا۔ وہ اندر ہی اندر گم ہو رہا تھا۔ اس کی آنکھوں میں کھویا کھویا پن کسی آنے والے عہد کے عنوان کی طرح دکھائی دینے لگا۔ یوں لگتا تھا کہ وہ اپنے احساس کی انوکھی راہوں پر رواں دواں ہے اور کرب و اضطراب کی پرچھائیاں اس کے شعور پر حاوی ہو رہی ہیں۔ میں یہ نہیں معلوم کر سکا کہ ساغر ذہنی عمل کے کس مرحلے پر ہے۔ لوگ اس کی خود فراموشی کے بارے میں باتیں کرنے لگے تھے۔ ساغر نے سارا سارا دن مدہوشی کے ٹھکانوں پر گزارنا شروع کر دیا تھا۔ اس کی شاموں کے غم گہرے ہونے لگے۔ اس کی صبحوں کے چہرے تاریک ہونا شروع ہو گئے تھے۔ شہر میں اب اسکا کوئی مستقل ٹھکانہ نہیں تھا۔ نہ اسکی جیب میں قلم ہوتا نہ کاغذ، لاہور کی سڑکوں پر چلتے چلتے اس کے ذہن میں کوئی
خیال شعر بن کر اترتا تو کسی دکاندار سے کاغذ پنسل مانگ کر اسے لکھ کر جیب میں رکھ لیتا اور سارا سارا دن لاہور کے بازاروں اور گلی کوچوں میں گھومتا رہتا۔ کسی ادبی محفل میں آ نکلتا تو تازہ کلام کی فرمائش پر وہ ایک شعر سنا کر نکل جاتا۔
شہر کا ایک ناشر روزانہ ساغر صدیقی کے خون دل کے چھینٹوں کو چائے کی پیالی اور سگریٹ کی ایک ڈبیا کے عوض خرید رہا تھا۔ اس نے دکان کے دراز میں ایک کاپی رکھی ہوئی تھی، وہ ساغر صدیقی کو دکان کے سامنے سے گزرتا دیکھتا تو مصنوعی خلوص اور سر پر ستانہ جعلسازی کا مظاہرہ کرتے ہوئے اسے روک لیتا۔ دکان میں بیٹھاتا، چائے کی پیالی پیش کرتا اور تازہ کلام سنانے کی فرمائش کرتا۔ اس کے لئے سگریٹ منگواتا، ساغر تازہ شعر سناتا اور ناشر نیچے رکھی ہوئی کاپی پر چوری چھپے شعر نقل کرتا جاتا۔ جب شعر پورا نہ لکھ پاتا تو کہتا سبحان اللہ! ساغرصاحب کیا شعر کہا ہے ذرا مکرر ارشاد ہو۔ ساغر دوسری بار شعر پڑھتا اور ناشر شعر لکھ لیتا۔ کبھی کبھی اسے ایک دو روپے بھی دے دیتا۔ اور ناشر نے ساغر کا مجموعہ تیار کر لیا اور اسے پچاس روپے دے کر کہا ” یہ مجموعہ میں چھاپوں گا، آپ اس کا کوئی نام تجویز کر دیں۔” ساغر نے پچاس روپے لے کر جملہ حقوق اس کو دے دیے اور کہا

“زہر آرزو کے سوا اور کیا نام ہو سکتا ہے”

ساغر صدیقی پر کچھ لکھنے سے پہلے میں اس کی ایک غز ل کے چند اشعار آپ کو سنانا چاہتا ہوں

میں نے پلکوں سے دریار پر دستک دی ہے

میں وہ سائل ہوں جسے کوئی صدا یاد نہیں

زندگی جبر  مسلسل کی طرح کاٹی ہے

جانے کس جرم کی پائی ہے سزا یاد نہیں

آؤ اک سجدہ کریں عالم مدہوشی میں

لوگ کہتے ہیں ساغرؔ کو خدا یاد نہیں

ساغر صدیقی کو اگر یونس ادیب نہ ملتا تو وہ شائد اتنی جلدی دریافت نہ ہوتا اور عین ممکن تھا کہ لوگوں نے اس کی شاعری کو لوٹ کا مال سمجھ کر آپس میں بانٹ لیا ہوتا۔ اوپر میں نے ساغر صدیقی کی جس غزل کے تین اشعار درج کئے ہیں یہ غزل آج بھی بھارت میں انڈیا کے شاعر ساغر نظامی کے نام سے گائی اور ریڈیو وغیرہ پر نشر کی جاتی ہے۔ میں سمجھتا ہوں ساغر صدیقی کم از کم اس اعتبار سے ضرور خوش قسمت تھا کہ اسے یونس ادیب مل گیا، محبت کرنے والا دوست مل گیااور اس کی شاعری اور شخصیت گوشہ گمنامی کی تاریکیوں میں گم ہو جانے سے محفوظ رہی۔ یونس ادیب کی دوستی ساغر صدیقی  سے بڑی گہری اور قیام پاکستان سے پہلے کی تھی۔ وہ ساغر صدیقی کا حقیقی معنوں میں سراغ نگار ہے اور ساغر صدیقی کے ظاہری اور باطنی کرب سے آگاہ تھا۔ اس نے ساغرصدیقی کو زندگی کی ساری منزلوں کی سیڑھیاں چڑھتے اترتے دیکھا تھا۔ یونس ادیب “شکست ساغر” میں لکھتا ہے قیام پاکستان کے چند روز کے بعد ایک شام کو میں، نعیم ہاشمی اور فدا شاہ جہانپوری میجسٹک ہوٹل میں بیٹھے تھے کہ دروازے کے شیشوں میں سے سڑک پر ساغرصدیقی گزرتا ہوا نظر آیا۔ وہی گھنگھریالے چمکدار بال، خوبصورت آنکھیں اور دلکش فنکارانہ خدوخال لیکن وہ کسی گہرے زلزلے کی زد سے نکلا ہوا لگتا تھا۔ ہم اسے ہوٹل میں لے آئے، میں نے اس سے پوچھا “امرتسر سے کب آئے؟ سب خیریت سے آگئے تھے؟”

وہ بولا

“بس آگیا ہوں کیا بتاؤں کس زخمی احساس کے ساتھ آیا ہوں، لیکن لاہور شہر اجنبی نہیں لگتا یہاں آ کر بڑی خوشی ہوئی ہے”۔  ساغر صدیقی پر ابھی جذب ومستی کی حالت طاری نہیں ہوئی تھی، وہ صاف ستھرا لباس پہنتا تھا، بال ہر وقت کنگھی کئے ہوئے ہوتے تھے۔ وہ دیوسماج روڈ پر ایک متروکہ بلڈنگ کے ایک بوسیدہ کمرے میں رہتا تھا۔ نئے وطن پاک میں وہ ایک نئی زندگی شروع کرنا چاہتا تھا، لیکن ابھی اس کے ذہن میں کوئی منصوبہ واضح نہیں تھا۔ ساغر صدیقی کی شاعرانہ  تخلیقی صلاحیتیں پوری شدت سے نمایاں ہونا شروع ہو گئی تھیں۔ اس کا کلام پاکستان کے ادبی ہفت روزوں اور ادبی رسالوں میں چھپنے لگا تھا۔ لاہور میں ادبی محفلیں اور مشاعرے منعقد ہونا شروع ہو گئے تھے جن میں ساغر صدیقی بہت مقبول ہو رہا تھا۔

ایک نئی زندگی کی تعمیر اس کے شوق آرزو کی منزل تھی اور پاکستان اس کے قلب و نظر کی وسعتوں میں رچا بسا تھا۔ دروبام کی الاٹمنٹ کے چکروں سے بے نیاز ساغر صدیقی نئے وطن کی عظمتوں کے ابدی نغمے تخلیق کر رہا تھا اورا سکے شاعرانہ مزاج کی گونج دور دور تک سنائی دینے لگی تھی۔ وہ ادبی محفلوں اور مشاعروں میں آتا تو ہزاروں آنکھیں اس کی ایک جھلک دیکھنے کو بے تاب ہوتیں۔ شاعرانہ سچائی سے سجی ہوئی اس  کی شخصیت میں عجیب والہانہ پن اور شان تھی۔ احساس پر چھا جانے والے اپنے ترنم سے ہمکلام ہوتا تو سماعتیں مدہوش ہو جاتیں۔

ایک دن ہم شام کو دیو سماج روڈ کی طرف جا رہے تھے کہ کچہری کے قریب سے گزرتے ہوئے ہمارے ایک دنیا پرست دوست نے اپنی الاٹمنٹ کا ذکر چھیڑ دیا اور کہا کہ اس کا 9 لاکھ کا کلیم منظور ہو گیا ہے پھر اس نے ساغر سے پوچھا:

“ساغر صاحب آپ بھی اپنے لئے کوئی گھر الاٹ کروا لیں”

ساغر صدیقی نے ہنس کر کہا:

“پیارے! میں نے پاکستان الاٹ کروا لیا ہے، سارا پاکستان میرا گھر ہے”

اس دوست نے کہا “آپ کوئی کاروبار کیوں نہیں شروع کر دیتے”

“شعور شعر سے بڑا کام اور کیا ہو سکتا ہے ۔ شعور ہی زندگی ہے، شاعری میرا آغاز اور میرا انجام ہے۔ میں اپنے خیال اور احساس سے الگ نہیں ہو سکتا”

ساغر صدیقی دیو سماج روڈ کی جس متروکہ عمارت کے کمرے میں رہتا تھا اس پر کسی دوسرے الاٹی نے قبضہ کر لیا۔ ساغر نے کپڑوں کی گٹھڑی اٹھائی اور انارکلی میں سے گزر رہا تھا کہ کسی نے روک کر پوچھا:

“ساغر صاحب کہاں جارہے ہیں ؟”

ساغر نے کہا “جانا کہاں ہے، ابھی تو ہجرت مکمل نہیں ہوئی”

ساغر حیات و کائنات کے اسرار و رموز سے معمولی بحث و مذاکروں میں الجھا رہتا یا انار کلی کے ہوٹلوں میں سے کسی آوارہ سیارے کی طرح گردش کرتا رہتا۔ رفتہ رفتہ معاشی مسائل کے الجھے ہوئے سلسلے نے اس کی ذات پر گہرے اثرات مرتب کرنا شروع کر دئیے۔ مشاعروں میں شرکت سے اسے جو کچھ ملتا وہ اتنا ناکافی ہوتا کہ اس کے ختم ہوتے ہی ایک نہ ختم ہونے والےکرب کے ہجوم میں پھنس جاتا۔ لیکن ساغر  نے اپنی تخلیقی توانائیوں پر اقتصادی ناہمواریوں کے اثرات کو غالب نہیں آنے دیا۔ آزاد کشمیر کے ایک مشاعرے سے واپس آیا تو اس کا دل جہاد کشمیر میں حصہ لینے کے لئے بے تاب تھا۔ کہنے لگا جہاد یہی ہے کہ میں کشمیر کی تحریک آزادی اور کشمیری مجاہدوں کی بے مثال قربانیوں پر ایک فلم بناؤں گا۔ چناچہ اس نے آزاد کشمیر کے دوستوں اور لاہور کے کچھ فلمی حلقوں سے رابطہ قائم کیا اور مالی سر پرستی کے وعدوں سے مطمئن ہو کر فلم کی اسکرپٹ پر کام شروع ہو گیا۔ لاہورکے ایک اسٹوڈیو میں فلم کا افتتاح بھی ہو گیا، لیکن کشمیر پر بننے والی فلم کا منصوبہ مالی امداد کی محرومی کے باعث ادھورا ہی رہ گیا۔

۲ نومبر ۲۰۰۸ء
ہاں!۔۔۔ یہ فاروق سرور خان کے دیکھے ہوئے خواب کی تکمیل کا ایک اور عہد ساز دن ہے۔ شائد اس بار تقدیر کےپرندے کو میرے سر پر متمکن ہونا تھاتاکہ یہ عظیم خدمت میرے ہاتھوں سے انجام پا سکے۔ لیکن ۔۔۔یہ تو اس کارواں کا ایک عارضی پڑاؤ ہے ۔۔۔۔۔آگے ہر قدم ۔۔۔ہر گام پر ۔۔نئی منزلوں ۔۔۔ نئے راستوں پر یہ کارواں اپنی فتوحات کا جھنڈا گاڑتا چلا جائے گا۔ہم ہوں نہ ہوں ہمارے بعد کتنے اور لوگ اس عہد کو نبھانے کا عزم لے کر اس کارواں کے ہم رکاب بنتے رھیں گے اوریوںمرزا جمیل احمد کا چلایاہوا یہ کاروانِ عہد ہر دور میں اپنی منزل کی طرف اسی شان سے رواں دواں رہے گا۔ آج اسی کارواں کے ایک ادنی ٰمسافر کی حیثیت سے میں اسی عزم کوپھر دوہرانے کی سعادت حاصل کروں گا کہ ٹیکنالوجی کا آسمان جتنا بھی بلند کیوں نہ ہوتا جائے ہم اس پر اپنی قومی زبان کے ستارے کو ہمیشہ چمکتا دمکتا اور سب سے روشن دیکھنا چاہیں گے۔ ہمارے ارادے جوان ہیں اور نگاہیں آسمان پر ہیں یہی تو اس قوم کی خاصیت ہے۔

آج کا دن فاروق سرور خان کے نام جن کی وطن سے محبت اور خلوص سے مجھے اور میرے جیسے نامعلوم کتنے اور لوگوں کو ایک جذبہ اور جدوجہد کا ولولہ ملا اوریقیناًملتا رہے گا۔ یوں یہ سلسلہ قائم و دائم ہے ۔

اس فانٹ کی تیاری میں محترم شاکر القادری صاحب کی ہرلمحہ کی حوصلہ افزائی کا بے انتہا شکر گذار ہوں۔ جنہوں نے اپنی قیمتی وقت اور پرخلوص دعاوں سے ہر ممکنہ مشاورت دی۔ اسی طرح القلم فورم کو سالگر ہ کی مبارکباد دینا بھی اپنا فرض سمجھتا ہوں۔ جس پر مجھے بہت زیادہ اپنائیت ملی۔ اتنا خلوص اور محبت تو میرے جیسے کم مایہ انسان کی توقعات کی بلندیوں سے بھی بہت بڑھ کر ہے۔ اللہ آپ ساتھیوں کو کو ترقی و عظمت سے نوازے۔

اور اب شائد آپ شدت سے اس گھڑی کے انتظار میں ہوں گے جب علوی نستعلیق آپ کے ہاتھوں میں ہو تو میرے خیال میں وہ لمحہ اب آگیا ہے میں آپ کے اور علوی نستعلیق کے درمیان مزید حائل نہیں ہونا چاہتا۔ یہ اب آپ کی دسترس میں ہے۔ آپ اس کے سکرین شارٹس سے بخوبی آشنا ہیں۔ اس لئے مزید کسی سکرین شارٹس کی ضرورت نہیں۔ یہ فانٹ اپنے آپ کو خود منوانے کی صلاحیت رکھتا ہے۔

فانٹ کا لنک درج ذیل ہے۔

بہرحال یہ اردو فانٹس کے حوالے سے یک نئے دور کی ابتداء ہے ۔اس کی خامیوں کو دیکھنے سے قبل اس کی خوبیاں ضرور دیکھئے گا۔ میری کوشش ہوگی کہ اگلے ورژنوں میں اس کے اندر پائی جانے والی تمام خامیوں کو درست کردیا جائے۔ انشاء اللہ۔

اس فانٹ کوصرف اور صرف ترویج و ترقی ٔاردو کی ضروریات کو مدنظر رکھ کر بلاقیمت دیا جارہا ہے۔ یہ کوئی کمرشل پراڈکٹ نہیں ہے۔ اس لئے اس کا کسی بھی کاروباری حوالے سے استعمال قطعا ممنوع ہے اور ایسے کسی بھی استعمال کے لئے اس کے تخلیق کار سے قبل ازیں اجازت لیناضروری ہے۔ شکریہ۔